Вядучыя – добра знаёмая свіслачанам Ірына Гутар і мастацкі кіраўнік народнага маладзёжнага музычна-драматычнага тэатра «Гарадзенская надзея» Гродзенскага гарадскога цэнтра культуры Алег Саладуха – запрасілі гледача на святочны канцэрт.
![](/upload/medialibrary/d39/d39ff0bb40c6dee6d8346364e76309e1.jpg)
![](/upload/medialibrary/6e1/6e18e3cfc91aa0a632f7cfa10af248b0.jpg)
Гледачы ўбачылі абяцаны арганізатарамі харэаграфічна-музычны пралог “Спяваюць пушчы”. Дзейства, што грацыёзна і ўрачыста развярнулася на падмостках, цешыла вока, лашчыла слых і хвалявала душу.
Прывітаў свіслачан і гасцей свята старшыня Свіслацкага раённага выканаўчага камітэта Аляксандр Вярсоцкі:
– Перш за ўсё хацеў бы сказаць словы самай шчырай удзячнасці тым, хто стаяў ля вытокаў самой ідэі правядзення дадзенага марапрыемства. Я ўдзячны тым, хто праводзіў першыя святы, хто захаваў гэтую традыцыю і даў нам магчымасць сёння ў пяты раз сабрацца разам. Для мяне як старшыні райвыканкама важна яшчэ і тое, што ў гэты дзень мы адкрылі ў гарадскім парку гульнёвую пляцоўку. Я лічу, што гэта адно з самых галоўных дасягненняў свята. Прыемна, што адкрыццё адбылося менавіта цяпер і ў нашай памяці застануцца не тыя няпростыя абставіны, якія зараз перажывае рэспубліка, а тое добрае, што мы зрабілі разам з вамі для дзяцей. Хацеў бы падзякаваць усім, хто далучыўся да арганізацыі свята. Але самае галоўнае, вядома, не гэта. Шаноўныя свіслачане, гэтага свята ніколі б не было, калі б я не адчуў, што яно патрэбна вам. Удзячны вам за тое, што вы прыйшлі, што вас так шмат. Мы і надалей будзем такія мерапрыемствы праводзіць.
![](/upload/medialibrary/bef/befd4f6b6808ae3e381f7a40854384dc.jpg)
![](/upload/medialibrary/b91/b91084869405ff3847f7e4350b2c5a39.jpg)
Каларыту дадаў ансамбль танца, музыкі і песні “Белые Росы” (каго пакінуць абыякавым буйства аборак і дынаміка руху цыганскага танца?!).
![](/upload/medialibrary/19a/19ac3f0049374da465fe92e769a5e7c9.jpg)
Так здараецца, калі гучыць народны інструмент, льецца гучнае слова, прыгожыя юнакі і дзяўчаты дэманструюць шыкоўную культуру танца і ўсё гэта адбываецца на фоне родных краявідаў. Моцны энергетычны пасыл ад артыстаў атрымаў, пэўна, кожны, хто бязмежна ўлюбёны ў Белавежскую пушчу.
![](/upload/medialibrary/a05/a05e6e029c0c9f672bb3337a73afc36d.jpg)
Энергетыкай жывога гуку зарадзіў кожнага гледача віртуоз-балалаечнік Аляксандр Варанішча.
![](/upload/medialibrary/2f3/2f33ed394771cbe95f7f0ba31559be41.jpg)
![](/upload/medialibrary/372/37231858fd6693a91d133843f8800d14.jpg)
Лепшыя нумары адсылалі ў імправізаваную залу пад адкрытым небам артысты раённага цэнтра культуры і народнай творчасці і дзіцячай школы мастацтваў.
![](/upload/medialibrary/5a5/5a5f7fe72e6d5a20be1289892991b35b.jpg)
![](/upload/medialibrary/828/8281f7723b875097dd7308cc96f7b2bc.jpg)
![](/upload/medialibrary/209/209a6a9661d56986fdef130bcfbb8506.jpg)
А пазней на змену музыцы і песні на сцэну прыйшоў смех – увагай публікі завалодаў брэсцкі цырк шапіто “Арлекін”.
![](/upload/medialibrary/7ec/7ec5c31cd86938e3917479fa78da6e4c.jpg)
![](/upload/medialibrary/2b9/2b924feb97b4249b8819e887f20e35a0.jpg)
Наталля ТУРКО
Фота Таццяны КАВАЛЬЧУК