У Нязбодзiцкiм сельскiм філіяле-клубе адбылося мерапрыемства для мясцовых жыхароў, прысвечанае Году культуры.
Прысутныя ўспомнiлi развiццё, гiстарычнае мiнулае цэнтра культуры на сяле, людзей, якiя неслi культуру, асвету, аб’ядноўвалi жыхароў для вырашэння сацыяльна-эканамiчных задач, арганізоўвалі вольны час працаўнiкоў, захоўвалi і развiвалi традыцыi вёскi, роднай спадчыны.
Ветэраны працы разам са сваiм лiдэрам М. Ч. Захарка падрыхтавалi цікавую выставу вырабаў дэкаратыўна-прыкладнога мастацтва.
З нагоды свята i па вынiках дзейнасцi з ветэранскiм актывам сяла кiраўнiк сельскага філіяла-клуба Т. М. Філіновіч узнагароджана граматай раённага савета ветэранаў за захаванне гiсторыка-культурнай спадчыны, развiццё народных традыцый, патрыятычнае выхаванне насельніцтва i падтрымку творчых iнiцыятыў. Таксама граматамi раённага савета ветэранаў за асабiсты ўклад у развiццё народных традыцый у Год культуры ў Рэспублiцы Беларусь адзначаны ветэраны працы М. К. Турак, Р. В. Нармантовiч, кiраўнiк пярвiчнай ветэранскай арганiзацыi М. Ч. Захарка.
Алена ПРАКОПІК,
старшыня раённага савета ветэранаў.