Узнагароды атрымалі тры жанчыны, якія пражываюць на тэрыторыі Поразаўскага сельскага савета.
На долю кожнай з іх выпала нямала выпрабаванняў, бо яны былі вывезены ў Германію. Ганне Антонаўне Навасад з вёскі Навасады было тады сем гадоў. Яе аднафаміліца, жыхарка Дзешкаўцаў Старых, Данута Палікарпаўна Навасад нарадзілася на Нямеччыне. Марыя Антонаўна Харко ў сямнаццацігадовым узросце разам з другімі землякамі-равеснікамі апынулася на чужбіне ў ролі бясплатнай рабочай сілы.
Узнагароды са словамі падзякі за стойкасць, сілу духа жанчынам уручылі першы намеснік старшыні – начальнік упраўлення сельскай гаспадаркі і харчавання райвыканкама Андрэй Грыцкевіч, начальнік асабовай групы Свіслацкага раёна Ілья Ушанаў, старшыня Поразаўскага сельсавета Віктар Акудовіч.
Людміла БАЛЫШ
Фота аўтара
