7 красавіка ў 12.00 у актавай зале СШ № 2 імя М. П. Масонава г. Свіслач пройдзе раённая справаздачна-выбарная канферэнцыя ГА «Беларускі рэспубліканскі саюз моладзі» ў фармаце адкрытага дыялогу.
На канферэнцыю запрошаны прадстаўнікі раённай улады, грамадскіх аб’яднанняў, дэлегаты пярвічных арганізацый ГА БРСМ раёна.
На парадак дня вынесена шэраг пытанняў: аб дзейнасці Свіслацкай раённай арганізацыі ГА БРСМ за 2014–2016 гады і перспектывах развіцця, аб абранні раённага камітэта, раённай кантрольнай камісіі БРСМ і дэлегатаў на абласную канферэнцыю саюза моладзі. Таксама будзе разгледжана пытанне аб прыняцці заявы (звароту) дэлегатаў канферэнцыі.
У рамках канферэнцыі пройдзе I пленум раённага камітэта ГА БРСМ, на якім будуць абраны бюро і першы сакратар райкама.
