banner

На конкурс “Любы сэрцу куточак Радзімы”

18 Августа’13
2137
На конкурс “Любы сэрцу куточак Радзімы”
На конкурс “Любы сэрцу куточак Радзімы”Першым адгукнуўся на конкурс раённай газеты калектыў Свіслацкай дзіцячай бібліятэкі.
Дасланы здымак мае прамое дачыненне да Свіслацкага Успенскага кірмашу, і мы вельмі ўдзячны вам за яго. Вось што пішуць аўтары дасланага ліста.
 Свіслацкая дзіцячая бібліятэка на працягу трох год працуе па праграме "Крочым родным краем, фарбы ўсе збіраем”. Мэта праграмы: арганізацыя дзейнасці юных краязнаўцаў па стварэнні летапісаў родных мясцін, уласнага радаводу, умацаванне павагі і гонару за свой край і сваіх землякоў. За гэты час было сабрана шмат цікавых дакументаў, прадметаў побыту нашых продкаў, складзена некалькі радаводаў нашых чытачоў, адбылося безліч знаёмстваў з краязнаўчым фондам бібліятэкі.
Вялікую цікавасць у нашых чытачоў выклікае фотаздымак абеліска. Ён быў узведзены ўладальнікам мястэчка графам Вінцэнтам Тышкевічам у другой палове XVIII стагоддзя пасярэдзіне рыначнай плошчы. Гэты абеліск павінен быў упрыгожыць Свіслач, абараняць ад няшчасцяў, сімвалізаваў яе славу.
Вакол слупа ў гандлёвыя дні, асабліва ў час кірмашоў, размяшчаліся сотні фурманак з розным таварам, мітусіліся тысячы людзей з розных канцоў Свіслаччыны і па-за яе межаў. Аб гэтым збудаванні складзена многа легендаў і паданняў...
Здымак такога ўнікальнага збудавання ёсць у нашай бібліятэцы. На жаль, фотаздымак не датаваны. Ён, на наш погляд, перафатаграфаваны,  але мы вельмі ўдзячныя нашым калегам-папярэднікам, якія захавалі здымак да нашых дзён. І мы з вялікім задавальненнем дасылаем яго на конкурс.
Калектыў Свіслацкай дзіцячай бібліятэкі.

Предыдущая статья

Званый ужин у Елены Савко