У аўторак на галоўнай плошчы райцэнтра ўстаноўлена зялёная прыгажуня вышынёю ў 14 метраў, якую прыдбалі работнікі РУП ЖКГ у лясным масіве ля Шадзілак. Рознакаляровымі агеньчыкамі ўпрыгожана і сама плошча горада. Вітрыны і вокны гандлёвых кропак, адміністрацыйных будынкаў таксама "апранулі” навагоднія ўбранні.
Стварыць святочны настрой, упрыгожыўшы холы, памяшканні і класныя кабінеты, паспяшаліся адукацыйныя ўстановы раёна. Вабяць да сябе сваімі прывабнымі шыбамі з узорамі і гірляндамі будынкі дзіцячых садкоў Свіслаччыны. Адным словам, і зімовае надвор’е, і ўсё хараство навокал, створанае рукамі чалавека, нагадвае аб набліжэнні калядных і навагодніх свят.
Алена КЕДЗІК.
Фота Грыгорыя ШЫРАЕВА.
Фота Грыгорыя ШЫРАЕВА.
