banner
Арына Сабаленка ўпершыню стала трэцяй ракеткай свету
14:06 12 Июля’21
95


Беларуска Арына Сабаленка ўпершыню ў кар'еры ўзнялася на трэцяе месца ў рэйтынгу Жаночай тэніснай асацыяцыі (WTA), паведамляе карэспандэнт БЕЛТА.

Перад стартам Уімблдонскага турніру Арына Сабаленка была чацвёртай, а пасля выхаду ў яго паўфінал узнялася на адну пазіцыю. Цяпер у яе актыве 6965 ачкоў.

Яшчэ адна беларуска, экс-першая ракетка планеты Вікторыя Азаранка засталася на 14-й пазіцыі, маючы 3845 ачкоў. Аляксандра Сасновіч займае 86-е месца (938 ачкоў). Вольга Гаварцова знаходзіцца на 124-м радку (672).

Топ-10 рэйтынгу WTA:

1. Эшлі Барці (Аўстралія) - 9635 ачкоў;

2. Наомі Осака (Японія) - 7336;

3. Арына Сабаленка (Беларусь) - 6965;

4. Сафія Кенін (ЗША) - 5640;

5. Б'янка Андрэеску (Канада) - 5331;

6. Эліна Світоліна (Украіна) - 5125;

7. Караліна Плішкава (Чэхія) - 4975;

8. Іга Свёнтак (Польшча) - 4695;

9. Сімона Халеп (Румынія) - 4330;

10. Гарбінье Мугуруса (Іспанія) - 4165.

Рэйтынг Асацыяцыі тэнісістаў-прафесіяналаў (АТР) па-ранейшаму ўзначальвае серб Новак Джокавіч, які напярэдадні ва Уімблдоне заваяваў свой 20-ы чэмпіёнскі тытул на турнірах серыі "Вялікага шлема". Беларус Ілья Івашка знаходзіцца на 63-м радку (1060 ачкоў), Ягор Герасімаў займае 79-е месца (926).

Першая дзясятка рэйтынгу АТР:

1. Новак Джокавіч (Сербія) - 12 113 ачкоў;

2. Данііл Мядзведзеў (Расія) - 10 370;

3. Рафаэль Надаль (Іспанія) - 8270;

4. Стэфанас Цыцыпас (Грэцыя) - 8150;

5. Аляксандр Звераў (Германія) - 7475;

6. Дамінік Цім (Аўстрыя) - 7425;

7. Андрэй Рублёў (Расія) - 6255;

8. Матэа Берэціні (Італія) - 5488;

9. Роджэр Федэрэр (Швейцарыя) - 4215;

10. Дзяніс Шапавалаў (Канада) - 3625.

Предыдущая статья

На планерке у председателя райисполкома: "Без воды и ни туды, и ни сюды"