На бягучым тыдні ў Беларусі будуць захоўвацца ападкі ў выглядзе дажджоў, аде да выхадных абяцаюць пацяпленне да плюс 17 градусаў. Аб гэтым паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Да канца красавіка засталося роўна два тыдні, але адназначна можна сказаць, што яго запомняць халаднаватым і дажджлівым. Франтальныя раздзелы з зайздросным пастаянствам прыносяць у нашу краіну шмат воблакаў і ападкаў. Вось і бягучы тыдзень жыхары Беларусі правядуць пад акампанемент дажджоў, а дзе-нідзе і з мокрым снегам, - расказалі ў Белгідрамеце. - Так, на працягу працоўнага тыдня ўмовы надвор'я Беларусі будуць знаходзіцца пад пераважным уплывам атмасферных франтоў, таму дажджы пройдуць у многіх раёнах. У асобныя ночы месцамі па краіне чакаюцца моцныя дажджы. І толькі бліжэй да выхадных у небе з'явяцца праясненні, а ападкаў стане менш. У вільготным і цёплым паветры ў начны і ранішні час не выключаны слабыя туманы".
У аўторак, 19 красавіка, на большай частцы тэрыторыі рэспублікі чакаюцца ападкі ў выглядзе дажджоў, месцамі з мокрым снегам. Ноччу і раніцай у асобных раёнах будзе слабы туман. Тэмпература паветра ўначы будзе вагацца ад мінус 2 да плюс 4 градусаў, удзень ад плюс 3 да 9 градусаў. Па паўночным усходзе паветра прагрэецца да плюс 14 градусаў.
У сераду, 20 красавіка, у многіх раёнах краіны пройдуць дажджы, а ноччу па паўднёвым усходзе - месцамі моцныя дажджы. Тэмпература паветра ўначы складзе плюс 1-7 градусаў, удзень плюс 5-11 градусаў, па поўначы прагназуецца да плюс 15 градусаў цяпла.
У чацвер, 21 красавіка, на большай частцы тэрыторыі рэспублікі таксама прагназуюцца дажджы. Удзень па поўначы месцамі будзе ўзмацненне ветру парывамі да 15-17 м/с. Тэмпература паветра ўначы будзе плюс 3-8 градусаў, днём - плюс 6-12 градусаў цяпла. У паўночных раёнах паветра прагрэецца да плюс 15 градусаў.
У пятніцу, 22 красавіка, на большай частцы тэрыторыі Беларусі чакаюцца кароткачасовыя дажджы. Уначы і раніцай у асобных раёнах туман. Тэмпература паветра ўначы будзе вагацца ад плюс 2 да 7 градусаў, днём паветра прагрэецца да плюс 9-14 градусаў, месцамі будзе да плюс 16 градусаў цяпла.
У суботу, 23 красавіка, месцамі па краіне зноў пройдуць кароткачасовыя дажджы. Уначы і раніцай у асобных раёнах будзе туман. Тэмпература паветра ўначы складзе плюс 2-7 градусаў, днём - плюс 12-17 градусаў.
У нядзелю, 24 красавіка, у асобных раёнах краіны будуць ападкі ў выглядзе кароткачасовых дажджоў. Уначы і раніцай месцамі прагназуецца туман. Тэмпература паветра ўначы будзе плюс 2-9 градусаў, днём паветра прагрэецца да плюс 12-17 градусаў цяпла.
