У Беларусі з 1 верасня выдадзена больш за 45 тыс. ID-картак, паведаміў у прэс-цэнтры БЕЛТА начальнік Дэпартамента па грамадзянстве і міграцыі МУС палкоўнік міліцыі Аляксей Бягун.
"З 1 верасня 2021 года ў краіне пачалі выдавацца дакументы, якія засведчваюць асобу, новага пакалення, - біяметрычныя дакументы: ID-картка грамадзяніна Рэспублікі Беларусь, ID-пасведчанне на права жыхарства, а таксама біяметрычныя дакументы для выезду за мяжу. Фактычна ўведзена 8 новых дакументаў, якія засведчваюць асобу і прызначаны для выезду за мяжу. Гэта такая новая вяха ў канцэпцыі выдачы дакументаў, якія засведчваюць асобу, а таксама сур'ёзная дапамога для грамадзян у якасці сродкаў ідэнтыфікацыі ў інтэрнэце. Таму што ID-картка мае электронны лічбавы подпіс, які афармляецца на 10 гадоў, і гэта сур'ёзны дакумент, якім грамадзянін можа карыстацца для заказу розных паслуг, засведчання сваёй асобы", - расказаў Аляксей Бягун.
Начальнік дэпартамента прывёў лічбы. "Калі гаварыць аб выніках, то з 1 верасня мы ўжо выдалі больш за 45 тыс. ID-картак і ID-пасведчанняў на права жыхарства і больш за 21 тыс. біяметрычных пашпартоў выключна для выезду за мяжу", - адзначыў ён.
Аляксей Бягун нагадаў, што ID-картка надзейна абаронена ад падробкі. "Мае пэўную ступень надзейнасці ад сцірання, механічных пашкоджанняў", - дадаў ён.
