У Беларусь з 22 красавіка прыбылі 393 грамадзяніны Украіны, 388 з якіх транзітам праз краіны ЕС. Аб гэтым БЕЛТА паведамілі ў Дзяржаўным пагранічным камітэце.
"Большасць грамадзян Украіны па-ранейшаму прыбываюць на беларускую тэрыторыю транзітам праз краіны ЕС. З 6:00 22 красавіка па 6:00 25 красавіка ў нашу краіну прыбылі 393 грамадзяніны Украіны. Праз украінска-беларускую граніцу прайшлі 5 грамадзян. 325 прыбылі транзітам праз Польшчу. Яшчэ 54 прайшлі ў Беларусь праз Літву і 9 - праз Латвію", - расказалі падрабязнасці ў ДПК.
У ведамстве нагадалі, што іншаземцам, якія прыбываюць у Рэспубліку Беларусь у сувязі з сацыяльна-палітычнай абстаноўкай ва Украіне, у тым ліку транзітам праз тэрыторыю іншых краін, для ўезду не патрэбны ПЛР-тэст (сертыфікат).
Пункты пропуску Беларусі працуюць у штатным рэжыме.
