Снег і да 10 градусаў марозу чакаецца ў Беларусі ў выхадныя, паведамілі карэспандэнту БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
"Сёння надвор'е Беларусі фарміруе атлантычны цыклон "Даніэль", цэнтр якога размяшчаецца над краінамі Балтыі. На працягу дня Беларусь апынецца пад уплывам яго цёплага атмасфернага фронту, і тэмпература паветра чакаецца плюс 1-7 градусаў. На большай частцы тэрыторыі краіны выпадуць ападкі (мокры снег з дажджом). Месцамі чакаюцца слабыя туманы і галалёд. Асобныя ўчасткі дарог будуць слізкімі. Паводле апошніх даных, снежнае покрыва вышынёй 1-8 см назіраецца ў многіх раёнах краіны, месцамі па Віцебскай вобласці і на поўначы Мінскай - 11-17 см. На працягу дня з-за станоўчых тэмператур снег крыху падтае", - расказалі ў Белгідрамеце.
У пятніцу, 3 снежня, цыклон перамесціцца ў Ленінградскую вобласць. Умовы надвор'я ў Беларусі будуць вызначаць у асноўным вобласць паніжанага атмасфернага ціску, раніцай і днём па паўднёвым усходзе краіны выявіцца ўплыў атмасфернага фронту. Будзе воблачна з праясненнямі. Месцамі, а раніцай і днём па Гомельскай і Магілёўскай абласцях на большай частцы тэрыторыі, будуць ападкі, у асноўным мокры снег. У дзённы час у асобных раёнах па паўднёвым усходзе краіны чакаецца моцны мокры снег. Месцамі па краіне магчымы галалёд, слабы туман, на асобных участках дарог галалёдзіца. Вецер прагназуецца паўднёва-заходні парывісты, па паўночным захадзе моцны парывісты. Тэмпература паветра на працягу сутак складзе ад мінус 2 да плюс 3.
У суботу, 4 снежня, надвор'е будзе фарміраваць вобласць паніжанага атмасфернага ціску, будзе воблачна з праясненнямі. Месцамі па Беларусі пройдзе кароткачасовы снег. На асобных участках дарог магчыма галалёдзіца. Вецер прагназуецца паўднёва-заходні, паўднёвы ўмераны. Тэмпература паветра ўначы складзе 1-7 градусаў марозу, па поўначы пры праясненнях - мінус 8-10. Удзень будзе ад мінус 3 да плюс 2 градусаў.
У нядзелю, 5 снежня, умовы надвор'я будзе ў асноўным вызначаць франтальны раздзел, які перамяшчаецца з захаду Еўропы, ноччу захаваецца ўплыў вобласці паніжанага атмасфернага ціску. Будзе пераважаць воблачнае надвор'е. Уначы па паўночным захадзе, удзень на большай частцы тэрыторыі краіны пройдзе кароткачасовы снег. На асобных участках дарог магчыма галалёдзіца. Вецер прагназуецца паўднёвы, паўднёва-ўсходні ўмераны. Тэмпература паветра ноччу складзе 1-7 градусаў марозу, па ўсходзе пры праясненнях - мінус 8-10. Днём будзе ад мінус 4 да плюс 1 градуса.
У панядзелак, 6 снежня, выявіцца ўплыў маларухомага атмасфернага фронту. У многіх раёнах краіны пройдзе снег, мокры снег, па паўднёвым усходзе з дажджом. Месцамі магчымы слабыя туман, галалёд, на асобных участках дарог галалёдзіца. Вецер прагназуецца паўднёва-ўсходні ўмераны. Тэмпература паветра ўначы складзе ад мінус 6 да плюс 1, удзень - ад мінус 4 да плюс 2.
У аўторак і сераду, 7-8 снежня, па ўсходзе краіны захаваецца ўплыў франтальнага раздзелу, заходнія раёны апынуцца ў вобласці павышанага атмасфернага ціску. Пераважна па ўсходзе пройдзе снег, мокры снег. На асобных участках дарог захаваецца галалёдзіца. Вецер прагназуецца заходні, паўночна-заходні ўмераны. Тэмпература паветра ноччу складзе 2-8 градусаў марозу, па паўночным захадзе пры праясненнях - да мінус 10, днём - ад плюс 1 па паўночным усходзе да мінус 7 па паўночным захадзе краіны.
БелТА
Фота Галіны КАРПАВАЙ
