Памер сямейнага капіталу з 1 студзеня 2022 года вырас на 9,5 працэнта і склаў Br25 995, паведамілі карэспандэнту БЕЛТА ў Міністэрстве працы і сацыяльнай абароны.
У перыяд з 1 студзеня па 31 снежня 2021 года сямейны капітал назначаўся ў памеры Br23 737,5.
"Сямейны капітал у памеры Br25 995 назначаецца сем'ям пры нараджэнні (усынаўленні, удачарэнні) трэцяга або наступных дзяцей у перыяд з 1 студзеня па 31 снежня 2022 года", - удакладнілі ў ведамстве.
Спецыялісты падкрэслілі, што прадастаўленне сямейнага капіталу ажыццяўляецца ў памеры, які дзейнічае на дату нараджэння трэцяга або наступных дзяцей, а ў выпадку ўсынаўлення (удачарэння) - на дату ўсынаўлення (удачарэння) трэцяга або наступных дзяцей, гэта значыць у дзень уступлення ў сілу рашэння суда аб усынаўленні (удачарэнні).
