Тэмпературныя рэкорды пабіты ў некаторых гарадах Беларусі 13 красавіка, паведамляе БЕЛТА са спасылкай на даныя Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У Магілёве паветра прагрэлася да 21,2 градуса, такім чынам быў пабіты рэкорд 2016 года, калі было 20 градусаў вышэй за нуль. Рэкорды абноўлены ў Бабруйску (плюс 21,4), ранейшы максімум быў у 1972 годзе - 21 градус цяпла. У Клічаве было таксама 21,4 вышэй за нуль, пабіты рэкорд 2016 года - плюс 20,5. У Слаўгарадзе тэмпература склала 20,6 градуса (перапісаны рэкорд 2016 года - 20,3 вышэй за нуль).
На метэастанцыі "Палеская" зафіксавана 23,4 градуса, раней максімум было 21,9 вышэй за нуль у 1989 годзе. Рэкорды 1989 года пабіты ў Ганцавічах (22,5 градуса цяпла супраць 21,2), у Акцябры (22,4 супраць 21,1) і Оршы (19,5 супраць 18,2).
У аўторак, 14 красавіка, будзе пераменная воблачнасць. Днём ападкі чакаюцца на большай частцы Гродзенскай і Віцебскай абласцей, на астатняй тэрыторыі Беларусі месцамі пройдуць кароткачасовыя дажджы, таксама магчымы мокры снег. Вецер заходні, паўночна-заходні 5-10 м/с, парывы могуць дасягаць 14 м/с, а ў асобных раёнах - да 15-18 м/с. Днём паветра прагрэецца да 5-10 градусаў.
БелТА
Фота Таццяны КАВАЛЬЧУК
