Прадстаўнікі Свіслацкага РАНС, аддзела адукацыі, спорту і турызму райвыканкама, раённай арганізацыі Беларускага таварыства Чырвонага Крыжа, Асводу і іншых зацікаўленых структур падвялі вынікі раённага этапу агляду-конкурсу дзіцячай творчасці “Ратавальнікі вачамі дзяцей-2018” і адабралі працы, якія будуць прадстаўлены ў вобласці.
Рабяты праявілі фантазію, ўразіўшы членаў журы разнастайнасцю тэматык работ. Як адзначыў начальнік Свіслацкага РАНС Сяргей Млёнік, з кожным годам у конкурсе прымае ўдзел усё большая колькасць дзяцей, а працы здзіўляюць сваёй арыгінальнасцю і глыбокім сэнсам. Сёлета на агляд-конкурс было прадстаўлена болей як 100 прац вучняў школ і выхаванцаў дадатковай адукацыі.
Алена КЕДЗІК.
Фота аўтара.
