Спецыялісты РНПЦ эпідэміялогіі і мікрабіялогіі пакуль не выявілі індыйскі штам каранавіруса. Аб гэтым БЕЛТА паведамілі ў прэс-службе Міністэрства аховы здароўя.
РНПЦ арганізаваў пастаянную сістэму маніторынгу распаўсюджвання муціруючых варыянтаў віруса SARS-CoV-2. Праводзіцца збор і даследаванне матэрыялу ад людзей, якія прыбылі на працягу апошніх 14 дзён з-за меж Рэспублікі Беларусь і маюць станоўчы ПЛР-тэст.
Улічваючы пастаянства і прадуктыўнасць працэсу зменлівасці віруса, вырашальнае значэнне мае сістэма хуткага выяўлення новых варыянтаў. Для гэтага ў Беларусі адпрацавана методыка секвеніравання S-гена віруса, з якім звязаны асноўныя мутацыі, выяўленыя ў новых варыянтах віруса (брытанскі, індыйскі, паўднёваамерыканскі, японскі).
Спецыялісты адзначаюць, што па меры развіцця пандэміі COVID-19 узбуджальнік, вірус SARS-CoV-2, пастаянна эвалюцыяніруе - гэта звычайны біялагічны працэс.
