banner

Сем — лічба магічная. Стане і цудоўнай

11 Февраля’11
1762

“Сем цудаў Беларусі”. Так называецца праект “Народнай газеты”. Сама назва гаворыць за сябе. Арганізатары маюць намер вызначыць сем самых яркіх, цікаўных аб’ектаў Беларусі, якія прэтэндуюць на права называцца “цудамі”.

Прынялі ў праекце ўдзел усе раёны Беларусі, прадставіўшы аб’екты архітэктуры, культуры, прыроды. Свіслаччына таксама прадставіла свае цуды. Сярод іх сядзіба Багудзенкі, балота Дзікое, Царква Ражства Прасвятой Багародзіцы ў Свіслачы, губернская гімназія, графскі парк у Свіслачы, касцёл святога Міхаіла Архангела ў Поразаве, урочышча Якушоўка, дзе нарадзіўся Кастусь Каліноўскі.

Сёння на сайце “Народнай газеты” вядзецца актыўнае галасаванне. Першы яго этап завершыцца ў пачатку сакавіка, калі будзе выбрана па два аб’екты з кожнага раёна. На другім этапе (ён працягнецца з сакавіка да мая) з раённых лідараў будуць шляхам галасавання на сайце абраны па два аб’екты з кожнай вобласці, якія пасля будуць прэтэндаваць на званне сямі цудаў Беларусі. Ужо ў чэрвені мы даведаемся аб выніках. Але перш трэба зайсці на сайт “Народнай газеты” www.ng.by і прагаласаваць за той аб’ект, які, як вам здаецца, можа прэтэндаваць на званне “цуда Беларусі”.

Нам неабыякава наша Беларусь, і нам не ўсё роўна, што называць “цудам”. Галасуем!

Марына ЯНЮК.

Предыдущая статья

О демографии