Сёння адбыўся раённы этап рэспубліканскага творчага конкурсу юных чытальнікаў “Жывая класіка: прысвячэнне маёй Радзіме”, на якім сабраліся сапраўдныя прыхільнікі роднай мілагучнай мовы.
Вучні раёна прадставілі вершы і ўрыўкі з твораў беларускіх аўтараў. Конкурс прайшоў пад дэвізам: “Чытаем шмат, чытаем разам, ствараем сябе і краіну!”
Усе ўдзельнікі конкурсу на "выдатна" прадэманстравалі свой талент. Журы было вельмі цяжка выбраць лепшых сярод лепшых. Аднак дыпломы знайшлі сваіх уладальнікаў.
Cняжана ЖУРНЕВІЧ.
Фота аўтара.
