Кожны год, пачынаючы з 1999-га, 21 сакавіка адзначаецца Сусветны дзень паэзіі. З гэтай нагоды акунуцца ў чароўны свет рыфмаў на мерапрыемства «З любоў’ю – кожны радок» запрасіла сваіх наведвальнікаў Свіслацкая раённая бібліятэка.
На сустрэчу з аматарамі паэтычнага слова, у ліку якіх былі вучні гімназіі № 1 імя К. Каліноўскага г. Свіслачы і наведвальнікі аддзялення дзённага прабывання для інвалідаў, прыйшлі таленавітыя свіслацкія паэты Ганна Мысліцкая, Наталля Цяцерыч, Іван Ламашкевіч, Ніна Васілюк і Таццяна Каховіч.
Госці з задавальненнем дзяліліся са слухачамі сваім талентам, распавядалі свае жыццёвыя гісторыі і дэкламавалі вершы. У цёплай, сяброўскай абстаноўцы прысутныя пачулі з вуснаў аўтараў шмат вершаваных прызнанняў у каханні да малой радзімы, да людзей, вершы, якія распавядаюць пра прыгажосць свіслацкага краю, вершаваныя казкі і гумарэскі.
Ігар БАЯРКІН
Фота і відэа аўтара
