У гэтую нядзелю ў касцёле св. Францішка з Асыжу адбылася ўрачыстая імша, прысвечаная першай святой Камуніі.
Да гэтай падзеі дзяўчынкі і хлопчыкі рыхтаваліся грунтоўна і загадзя. На працягу двух гадоў яны наведвалі касцёл, вучылі малітвы, знаёміліся з Бібліяй, разважалі аб слове Божым. Потым была першая споведзь у іх жыцці.
І вось у нядзелю, паабяцаўшы быць заўсёды з Богам у сэрцы, яны прынялі першую святую Камунію. З вялікай і важнай падзеяй маленькіх прыхаджан, іх бацькоў, хросных і родных павіншаваў ксёндз Валерый. Ён заклікаў парафіян быць заўсёды ў згодзе з Езусам Хрыстусам. Шмат цёплых слоў у адрас святара і сястры Антаніны, якія падрыхтавалі дзяцей да важнай падзеі, выказалі бацькі.
З панядзелка ў касцёле пачаўся «белы тыдзень». Дзеці ў першакамунійных убраннях штодзень прыходзяць у святое месца, удзельнічаюць у набажэнствах.
Алена КЕДЗІК.
Фота Алены КЕДЗІК, Таццяны КАВАЛЬЧУК.
