Жадаеце пазнаёміцца з вучнямі 7 класа Навадворскай сярэдняй школы Свіслацкага раёна? Калі ласка!
Перад вамі на фотаздымку шэсць добразычлівых хлопчыкаў і чатыры прыгажуні-дзяўчынкі, аб’яднаныя агульнымі інтарэсамі і памкненнямі.
Хтосьці ў вольны час любіць проста ляжаць на ложку, гледзячы тэлевізар, але толькі не вучні 7 класа Навадворскай СШ. Яны ўпэўнены, што адпачываць трэба актыўна і абавязкова з добрымі сябрамі. Таму пешыя паходы сталі традыцыяй нашага класа.
У канцы навучальнага года рабяты разам са мной разгортваюць карту маршруту і адпраўляюцца ў пешы паход па цікавых мясцінах малой радзімы, каб бліжэй пазнаёміцца з незвычайнай прыродай – унікальнай і некранутай.
На працягу шляху вучні спяваюць песні, бо сярод іх ёсць артысты – Вераніка Ганчарэвіч і Кірыл Джабараў; расказваюць вершы і дзіўныя гісторыі са свайго жыцця Мацвей Жых і Анастасія Папковіч, а рыбакі Аляксандр Кавальчук і Сцяпан Сауцін мараць аб тым, каб хутчэй трапіць на возера і лавіць рыбу.
На прывале Аляксандр Свістун і Ілья Лысевіч хуценька раскладуць вогнішча, а дзяўчынкі Валерыя Каскевіч і Алена Кукла прыгатуюць смачны абед. Усё атрымліваецца хутка і зладжана, таму што яны каманда, таму што яны самы класны клас!
Хутчэй бы лета! Наперадзе чакае цікавы паход па прасторах малой радзімы!
Галіна ГРЫЦКЕВІЧ,
класны кіраўнік.
