banner
Лукашэнка: Польшча ўчыніла канфлікт на граніцы з Беларуссю
15:18 23 Августа’21
112

Польшча ўчыніла канфлікт на граніцы з Беларуссю. Аб гэтым Прэзідэнт Беларусі Аляксандр Лукашэнка заявіў сёння ў ходзе пазачарговай сесіі Савета калектыўнай бяспекі АДКБ, якая прысвечана сітуацыі ў Афганістане, перадае карэспандэнт БЕЛТА.

Аляксандр Лукашэнка, гаворачы аб праблеме, бежанцаў з Афганістана, расказаў пра падзеі апошніх двух-трох сутак на граніцы з Польшчай.

Кіраўнік дзяржавы адзначыў, што афганскія бежанцы пайшлі ўжо цераз Беларусь на Захад, куды іх самі паклікалі, абяцаючы ўсіх прыняць. "Што зрабілі палякі: яны адлавілі, інакш не скажаш, каля 50 чалавек на тэрыторыі Польшчы, якія, як яны прызналіся, ішлі ў Германію, куды іх паклікала мутэр Меркель. І пад пагрозай зброі, страляючы паверх галоў, выціснулі іх на граніцу з Беларуссю. Зразумела, яны ішлі ў Германію, у Беларусь яны ісці не хочуць. Так Польшча ўчыніла пагранічны канфлікт на граніцы, парушыўшы Дзяржаўную граніцу Беларусі", - заявіў Прэзідэнт.

"І ўжо двое або трое сутак гэтыя гаротнікі, перайшоўшы граніцу Беларусі, знаходзяцца там. Без вады, без ежы, пад адкрытым небам. Што такое сядзець на граніцы - уначы ўжо ў нас 7-8 градусаў цяпла. Абяздоленыя людзі. Сёння мне трэба думаць, што з імі рабіць", - заўважыў кіраўнік дзяржавы.

Предыдущая статья

Александр Лукашенко обозначил проблему мигрантов и беженцев из Афганистана и рассказал об инциденте на границе с Польшей