З мэтай павышэння культуры афармлення школ, дзіцячых садоў, устаноў дадатковай адукацыі, забеспячэння ў іх парадку і супрацьпажарнай бяспекі, стварэння святочнай атмасферы прайшоў раённы агляд-конкурс, арганізаваны аддзелам адукацыі райвыканкама.
Усе ўстановы адукацыі прынялі актыўны ўдзел у конкурсе і праявілі творчасць, фантазію, неардынарнасць пры афармленні дваровых тэрыторый, холаў, актавых залаў, класаў, групавых пакояў.
Кожная ўстанова ўпрыгожана ў сваім адметным стылі. Шмат намаганняў прыклалі да такой творчай справы педагогі, навучэнцы і іх бацькі, якія стварылі прыгожыя святочныя кампазіцыі і фотазоны.
Пераможцамі конкурсу сталі Ханявіцкі ДС СШ і яслі-сад № 2 г. Свіслачы.
Другое месца заняла Поразаўская СШ.
СШ № 2 імя М. П. Масонава г. Свіслачы адзначана ў намінацыі «Святочная ілюмінацыя».
Гімназія № 1 імя К. Каліноўскага г. Свіслачы і Дабравольскі ДС СШ перамаглі ў намінацыі «Лепшы хол».
Намінацыя «Лепшае навагодняе афармленне тэрыторыі ўстановы адукацыі» прысуджана Дварчанскаму ДС БШ.
Корнадзьскі ДС БШ прызнаны лепшым у намінацыі «Лепшая навагодняя кампазіцыя», а дашкольны цэнтр развіцця дзіцяці г. Свіслачы – у намінацыі «Лепшая актавая зала».
Сняжана ЖУРНЕВІЧ.
Электронная
подписка на «СГ»
Подробнее
подписка на «СГ»